Tom Doshi drejt mandatit të dytë në Shkodër, në rrezik mandati i PD

Nga numërimi i 89.5 për qind e kutive të votimit në Qarkun e Shkodrës, rezulton se Partia Demokratike merr 5 mandate, PS 3 mandate, 1 shkon për LSI dhe PSD e Tom Doshit merr 2 mandate.

Mandati i dytë i PSD është në betejë me mandatin e gjashtë të PD.

Sipas pedagogut Bledi Çeka, Shkodra është nga ato qarqe dinamike që duhet lexuar me kujdes deri në fund, sepse mund të kemi lëvizje të tjera. Sipas tij, një mundësi është që mandati në lojë për PSD të jetë i dyti për Doshin ose i katërti për PS, pra të ndahet mes PSD-PS, jo mes PSD-PD.

Procesi i numërimit ka përfunduar në Malësinë e Madhe KZAZ 1, ku fituese ka dalë Partia Demokratike.

Partia Socialiste ka marrë 6,521 vota, Partia Demokratike ka marrë 7,090, Partia Social-Demokrate 1479 vota dhe Lëvizja Socialiste për Integrim ka marrë 513 vota.