Topuzi: Shqipëria nuk ka çmime të shtrenjta për turizimin

Kryetari i Shoqatës së Turizmit, Zak Topuzi u shpreh në një intervistë për Euronews Albania se Shqipëria nuk ka çmime të shtrenjta për pushime, por jashtë vendit ka oferta më të mira.

“Rritja e kostot së jetesës kanë bërë që shqiptarët të jenë skeptike ndaj pushimeve.  Por kjo nuk do të thotë që shqiptarët nuk bëjnë pushime.  Nuk është se Shqipëria ka çmime të shtrenjta, por jashtë ka oferta më të mira. Çmimet e larta kanë qenë problem në të gjithë botën. Shqipëria ka të ardhurat më të ulëta për turistë në vit”, u shpreh Topuzi në një intervistë  për Euronews Albania.

Në sondazhin e fundit të kryer nga Barometri në Euronews Albania, çmimet e larta kanë qenë problem për 90.9% të pushuesve. Një problematikë tjetër për 32.6% të pushuesve ka qenë trafiku i shtuar, i cili as këtë verë nuk ka munguar sidomos në zonat bregdetare.

LEXONI GJITHASHTU:

• Zak Topuzi: Është rritur numri i shezlongëve, në rajon çmimet më të larta
• Barometri konfirmon: Pushimet luks për shqiptarët
• Sa iu kushtuan pushimet shqiptarëve këtë vit?