“Tradhtar”- Mundësi Valiev reagon për incidentin me Mamiashvili: S’i detyrohem asgjë

Mundësi shqiptar që garon për Shqipërinë, Çermen Valiev, ka reaguar pas incidentit të ndodhur në Bratislavë me presidentin e Federatës Ruse të Mundjes, Mikhail Mamiashvili, i cili e quajti atë “tradhtar” pasi Valiev përfaqësoi Shqipërinë dhe mposhti një sportist rus në finale.

Në një intervistë për median ruse “Match TV”, Valiev shprehu habinë e tij për akuzat e Mamiashvili, duke thënë: “Më quajti tradhtar të atdheut dhe mbeta i hutuar. Kur vendosa të përfaqësoj Shqipërinë, respektova të gjitha procedurat ndërkombëtare. Gjithçka ishte zyrtarisht e firmosur.”

Valiev sqaroi gjithashtu se ka paguar një tarifë prej pesë mijë eurosh për Federatën Ndërkombëtare të Mundjes dhe po ashtu pesë mijë euro për Federatën Ruse të Mundjes, duke theksuar se nuk ka asnjë borxh ndaj asnjërit nga ata.

Valiev ka shprehur se vendimi për të përfaqësuar Shqipërinë ishte një hap i ndërmarrë për të ndjekur ëndrrën e tij sportive, pa asnjë ndikim nga tensionet politike.

LEXONI GJITHASHTU:

• Valiev shpallet kampion Europe, sukses dhe për Abakarov në Evropianin e Mundjes
• Video/ Skandal në Europian, Presidenti i Federatës Ruse shtyn mundësin shqiptar