Trafik i rënduar në hyrje të Elbasanit, bllokohet qarkullimi i automjeteve

Mesdita e kësaj të shtune është shoqëruar me trafik të rënduar në aksin rrugor nga Tuneli i Krrabës në drejtim të Elbasanit.

Problematika më e theksuar paraqitet në zonën e njohur si “Hinka e Shijonit”, pranë rrethrrotullimit të Bradasheshit, rreth 4 kilometra nga hyrja e qytetit të Elbasanit, ku qarkullimi i automjeteve është thuajse i bllokuar.

Sipas burimeve në terren, shkak i situatës është fluksi i lartë i mjeteve që lëvizin nga Tirana drejt zonave të Juglindjes, kryesisht për udhëtime fundjave. Për menaxhimin e trafikut, në zonë janë angazhuar shërbimet e Policisë Rrugore, të cilat po punojnë për normalizimin e qarkullimit.