Trafik i rënduar në Korçë, ja rrugët më problematike

Vazhdon të jetë i rënduar trafiku në qytetin e Korçës. E gjithë kjo vjen për shkak të hyrjeve të shumta të emigrantëve por dhe shtetasve të huaj nga pikat kufitare të juglindjes se vendit.

Me të ngarkuara janë rrugët kryesore të këtij qyteti, në veçanti rruga “Fan Noli” dhe Bulevard “Republika”.

Për policinë e qarkullimit kjo ngarkesë vjen edhe për shkak se drejtuesit e mjeteve përdorin pak dy unazat e qytetit të Korçës, unazën e madhe dhe unazën e vogël që ndodhet mbi këtë qytet.

Policia dhe njëherë tjetër u kërkon drejtuesve të mjeteve të përdorin rrugët e tjera alternative brenda qytetit për të shmangur sa më shumë fluksin në këtë sezon turistik.

Për të normalizuar situatën janë të angazhuara jo vetëm policët e sektorit të qarkullimit por dhe ato të rendit.

Fluks i lartë lëvizjesh edhe në aksin nacional Kapshticë – Qafë Thanë, aks i cili monitorohet nga tre postblloqe të policisë rrugore, përfshi këtu monitorim me radar dhe makina inteligjente

LEXONI GJITHASHTU:

• Festë e Lakrorit në Korçë, të huajt interes për gatimet tradicionale në Polenë
• EMRAT| Sekuestrohen 26 kg kanabis në Korçë, arrestohen 4 persona