Bota e futbollit është tronditur nga vdekja në mënyrë tragjike e futbollistit 27-vjeçar Huan Izquierdo, i cili pësoi atak kardiak gjatë duelit Sao Paulo-Nacional. Përballja e luajtur më 23 gusht u ndërpre në momentin kur futbollisti në fjalë shfaqi shqetësime në zemër, duke bërë që ai të transportohej menjëherë në spital, ndërsa deri orët e para të së mërkurës ishte nën kujdesin e mjekëve.
Më pas ishte klubi i Nacional, i cili nëpërmjet një njoftimi të bërë në rrjetet sociale, njoftoi se uruguaiani kishte ndërruar jetë.
“Me dhimbjen dhe hidhërimin më të thellë në zemrat tona, njoftojmë vdekjen e lojtarit tonë të dashur Juan Izquierdo. I shprehim ngushëllimet më të sinqerta familjes, miqve, kolegëve dhe të afërmve të tij. I gjithë Nacional është në zi për humbjen e tij. U prefsh në paqe, ju do të jeni me ne përgjithmonë”, shkruhet në reagimin e klubit.
Izquierdo ka nisur karrierën e tij në kampionatin uruguaian, ndërsa ka provuar të luajë dhe në ligën meksikane të futbollit, ku në karrierë numëron mbi 100 ndeshje.
LEXONI GJITHASHTU:
- Përfaqësuesi i Egnatias: Dwamena gati kontratën marramendëse në Arabinë Saudite
- Vdekja e futbollistit/ Zeka “përplaset” me Shakohoxhën, braktis studion
