Tragjedia e Himarës, prokuroria çon për gjykim Arjan Tasen dhe 9 zyrtarë

Prokuroria Vlorës ka përfunduar hetimet për ngjarjen tragjike të ndodhur gushtin e vitit të kaluar në Himarë, ku humbi jetën e mitura Jonada Avdia.

Në lidhje me ngjarjen është marrë nën hetim përveç drejtuesit të mjetit lundrues Arjan Tase dhe 9 zyrtarë të policisë dhe bashkisë Himarë.

Ish-shefi i policimit në komunitet në Elbasan, Arjan Tase akuzohet për veprën penale “Vrasje me dashje” në mënyrë indirekte. Tase drejtonte në breg një gomone me dy motorë të fuqishëm dhe gjatë manovrimit vrau vajzën e mitur e cila ndodhej për pushime së bashku me prindërit.

Akuzat e ngritura nga prokuroria e Vlorës:

A.T., për veprën penale të “Vrasje me dashje” në mënyrë indirekte parashikuar nga neni 76 i Kodit Penal;

F.M., me detyrë shef i sektorit të kufirit në Drejtorinë Vendore të Kufirit dhe Migracionit Vlorë, i akuzuar për veprën penale të “Shpërdorimit të detyrës “parashikuar nga neni 248 i Kodit Penal;

N. B., me detyrë shef stacioni në Stacionin e Policisë Kufitare, Dhërmi, në sektorin e kufirit të Drejtorisë Vendore për Kufirin dhe Migracionin Vlorë, i akuzuar për veprën penale të “Shpërdorimit të detyrës” parashikuar nga neni 248 i Kodit Penal;

L. A., B.M. dhe K.H., me detyrë trupa shërbimi në mjetin lundrues BP06, të ngarkuar me kotrollin e vijës bregdetare në Stacionin e Policisë Kufitare Dhërmi, Vlorë, akuzuar për veprën penale të “Shpërdorimit të detyrës“ parashikuar nga neni 248 i Kodit Penal;

A. D. me detyrë specialist rendi në Komisariatin e Policisë Himarë, akuzuar për veprën penale të “Shperdorim detyre” parashikuar nga neni 248 i Kodit Penal; dhe

D. A. dhe A.B., me detyrë përgjegjës dhe punonjës të Policisë Bashkiake në Bashkinë Himarë, akuzuar për veprën penale të “Shpërdorim detyre” parashikuar nga neni 248 i Kodit Penal si punonjës që kanë kryer kontrolle periodike në vendin e ngjarjes.

LEXONI GJITHASHTU

• Zbardhet dosja, Arjan Tase tentoi të largohej nga bregu, pushuesit e ndaluan
• Arjan Tase pranon burgun, ish-oficeri nuk e ankimon masën e sigurisë