Tragjedia në Greqi, Komisioni Europian ul flamujt në gjysmështizë

Me vendim të Presidentes së Komisionit Ursula von der Leyen, flamujt e BE-së janë ulur në gjysmështiza në të gjitha ndërtesat e Komisionit Evropian, në kujtim të viktimave të tragjedisë në Greqi.

“Evropa vajton me grekët”, shkruan në postimin e tij komisioneri Margaritis Schinas.

Një tragjedi ka ndodhur në Larisa të Greqisë ku pas përplasjes së dy trenave kanë mbetur të vdekur 38 persona dhe janë plagosur 85 të tjerë.

Sipas të dhënave të publikuara nga mediat greke, aksidenti hekurudhor ka ndodhur në hyrje të luginës së Tempes, ku një tren pasagjerësh që udhëtonte midis Athinës dhe Selanikut me 350 pasagjerë në bord u përplas me një tren mallrash pranë qytetit të Larisës. Mësohet se përplasja ka ndodhur rreth orës 23:00 të mbrëmjes së djeshme.

LEXONI GJITHASHTU: 

• Arrestohet drejtori i stacionit hekurudhor të Larisës: Urdhri s’u zbatua…
• “Gjak dhe zjarr”, I riu në trenin grek: U duk si tërmet, nxora aq njerëz sa munda