Tragjedia në Greqi, numri i viktimave shkon në 42

Një tragjedi ka ndodhur në Greqi këtë të mërkurë duke lënë pas 42 viktima.

Kjo është shifra që raportohet deri më tani nga përplasja e trenave në afërsi të Larisës.

Aksidenti hekurudhor ka ndodhur në hyrje të luginës së Tempes, ku treni i pasagjerëve që udhëtonte midis Athinës dhe Selanikut me 350 persona në bord u përplas me një tren mallrash.

Sipas mediave greke bëhet fjalë për 130 të lënduar dhe 66 persona që po marrin mjekim në spital. 6 prej tyre janë në gjendje të rëndë.

Të mbijetuarit kanë treguar se vagonët u përfshinë me shpejtësi nga flakët, njerëzit digjeshin të gjallë, ndërsa ishte shumë e vështirë të nxirrje personat nga mjeti i shkatërruar.

Greqia ka shpallur 3 ditë zie kombëtare në nder të viktimave.

LEXONI GJITHASHTU:

• Skena makabre nga Greqia, gazetari: Trupa të pajetë po nxirren me qese plastike
• Aksidenti tragjik në Greqi, jep dorëheqjen ministri i Transportit