Tragjedia në Shkodër, Karamuço: Turp, 2 varka! Kaq vlen jeta e gruas me 2 fëmijë?

Eksperti i Kriminalistikës, Ervin Karamuço, ka folur në emisionin Review në Euronews Albania lidhur me ngjarjen e rëndë të ndodhur në Shkodër, ku një 39-vjeçare bashkë me 3 fëmijët e saj (trupi i njërit prej fëmijëve u gjet), dyshohet të jenë vetë-mbytur në lumin Buna, pas dhunës së ushtruar nga kryefamiljari.

Karamuço tha se është turp i madh që kërkimet për trupat e pajetë po vijojnë vetëm me dy varka nga ana e Policisë.

Ai tha se jeta e nënës dhe dy fëmijëve të saj nuk vlen vetëm dy varka dhe shtoi se duhet të angazhoheshin më shumë forca në operacionin e kërkimit të trupave të pajetë.

“Pse nuk janë dhjetë varka por janë dy? Kur zhduket një person i vetëm në Amerikë, jo vetëm angazhohen shumë vetë, por ka edhe grupe qytetare që ftohen të marrin pjesë për brigjet. Është e pamjaftueshme. Kaq vlen jeta e 2 fëmijëve dhe asaj gruas? Dy varka me elektrik?

Është turp i madh ky, nuk është operacion ky, kjo është qokë. Unë të jem Ministër i Brendshëm, gjithë flotën me peshkatarë aty u them a ka mundësi t’ua paguaj unë atë naftën, dilni të gjithë në kërkim. Të gjithë, gjithë natën komplet”, tha Karamuço.

LEXONI GJITHASHTU:

• “Viktima kafe me kunatën para tragjedisë”-Dervishi: Informacioni që ka marrë nga ajo
• Tragjedia në Shkodër, Gjerga: Çifti në proces divorci, 31-vjeçari i pashqetësuar