Transporti ende pa zgjidhje, e paqartë ndarja e fondit të bashkisë

Situata e transportit me urbanët në Tiranë nuk është zgjidhur ende. Pikat e dakordësuara me kryetarin e bashkisë, më shumë se zgjidhje kanë sjellë paqartësi për mënyrën si do shpërndahen.

Kërkesa e bashkisë për vendosjen e GPS, sipas operatorëve, është e plotësuar prej kohës, por autobusët në qarkullim vazhdojnë të jenë të reduktuar.

“Nuk dimë si do na jepen dhe kur do na jepen lekët,” – u shpreh Rixhin Qoshja, kreu i shoqatës së Transportit Qytetas.

Drejtori i transportit publik në Bashkinë e Tiranës, Enton Punavija, nga ana tjetër thotë se deri në aktivizimin e fondit numri i autobusëve në qarkullim mund të shkojë në 70%.

“Pasi subvencioni të bëhet efektiv në fillim të vitit tjetër ne do jemi në kushtet e kontratës përpara pandemisë,” – deklaroi ai.

Përveçse ndaj bashkisë, operatorët e linjave qytetase, kërkojnë nga qeveria heqjen e TVSH-së për biletën, akcizën për naftën dhe taksën e qarkullimit.

LEXONI GJITHASHTU: 

• Shoqatat e Transportit: Bashkia na premtoi 1 mln euro fond subvencioni
• Bashkia e Tiranës ofron 1 milion euro subvencion për transportin publik
• Drejtori i Transportit Publik në Tiranë: S’do ketë rritje të çmimit të abonesë dhe biletës