Transportonte kundrejt pagesës 18 emigrantë, shpallet në kërkim 20-vjeçari shkodran

Një 20-vjeçar në Kukës është shpallur në kërkim pasi po transportonte 18 emigrantë të paligjshëm kundrejt pagesës.

Policia bën me dije se është shpallur në kërkim shtetasi F.L.

Ndërkohë policia bën me dije se në kuadër të operacionit policor të koduar  “Kalimashi”, është sekuestruar dhe automjeti me të cilin kryhej transportimi.

“Shtetasi F. L. nuk i është bindur urdhrit për të ndaluar, por është larguar me shpejtësi, ka braktisur automjetin dhe duke përfituar nga kushtet e errësirës, ka mundur të largohet.

Gjatë kontrollit në këtë automjet, shërbimet e Policisë kanë konstatuar 18 emigrantë nga Siria, të cilët shtetasi F. L. po i transportonte kundrejt pagesës, në drejtim të Morinës, me qëllim kalimin e paligjshëm të kufirit.”- njofton policia.

Vijon puna intensive për kapjen e 20-vjeçarit i cili akuzohet për veprat penale “Ndihma për kalim të paligjshëm të kufijve” dhe “Mosbindja ndaj urdhërit të punonjësit të policisë së rendit publik”, shtetasin F. L., 20 vjeç, banues në Shkodër.

Materialet procedurale i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.

vijon…