Transportonte kundrejt pagesës 6 emigrantë nga Irani, arrestohet 19-vjeçari

Polica e Durrësit ka arrestuar një person me akuzën e  dhënies ndihmë të emigrantëve për kalim të paligjshëm të kufirit.

Në kuadër të operacionin policor të koduar “Interrupt” u vu në pranga shtetasi Olsi Elezi 19 vjeç, banues në Tiranë.

Nga veprimet hetimore ka rezultuar se po transportonte drejt Shkodrës, kundrejt pagesës 300 euro për secilin, 6 emigrantë nga Irani, të cilin synonin të kalonin ilegalisht kufirin me Malin e Zi.

Gjithashtu, u vu në pranga shtetasi Ervin Goduni 28 vjeç, banues në Lushnjë, për veprën penale “Shkelja e rregullave të qarkullimit rrugor”, pasi në aksin rrugor “Durrës-Tiranë”, me automjetin që drejtonte, ka përplasur automjetin me të cilin shtetasi Olsi Elezi po transportonte emigrantët dhe një automjet tjetër. Për pasojë janë dëmtuar shtetasi Olsi Elezi dhe njëri nga emigrantët, të cilët janë jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Më shumë para nga emigrantët, shtohen dërgesat e shqiptarëve jashtë vendit
• Mbytet anija me emigrantë në Libi, të paktën 61 të vdekur, mes tyre fëmijë