Tregtari rus i armëve i liruar nga SHBA-ja, i bashkohet partisë ultranacionaliste

Tregtari rus i armëve, Viktor Bout, i quajtur “tregtari i vdekjes”, i është bashkuar partisë ultranacionaliste pro-Kremlinit, LDPR, pas lirimit të SHBA-ja, nga një shkëmbim i të burgosurve me Rusinë.

Në një video të postuar në internet, kreu i LDPR Leonid Slutsky falënderoi Bout, 55 vjeç, që u bë anëtar i partisë që sipas tij, është më e mira në Rusinë e sotme, shkruan BBC.

Bout u dënua me 25 vjet burg në vitin 2011, një javë më parë, ai u këmbye me yllin e basketbollit amerikan, Brittney Griner.

32-vjeçarja u arrestua në një aeroport të Moskës në shkurt për posedim të vajit kanabisit dhe muajin e kaluar ajo u dërgua në një koloni penale.

Agjentja e Griner, Lindsay Kagawa Colas, tha të dielën se ajo mori një top basketbolli për herë të parë në pothuajse 10 muaj, duke filluar stërvitjen e saj.

LEXONI GJITHASHTU

• ‘Tregtari i vdekjes’ drejt lirisë? Moska: Bout për lirimin e basketbollistes Griner
• Dënimi i sportistes amerikane, SHBA dhe Rusia negociojnë shkëmbimin e të burgosurve
• Lavrov: Rusia e gatshme të bisedojë me SHBA për shkëmbimin e të burgosurve