Tregtia me rajonin| Shqipëria zgjeron import-eksportet, më shumë mallra të këmbyera

Në muajin prill importet dhe eksportet u rritën si në vlerë, ashtu edhe në peshë. Të dhënat e nxjerra nga INSTAT për tregtinë e jashtme tregojnë se eskportet arritën në 35 mld lekë, me rritje 1.8%, ndërsa importet 75 mld lekë me rritje të lehtë, 0.6% në raport me prillin e vitit të kaluar.

Sipas shifrave, Shqipëria ka zgjeruar tregtinë e jashtme në eksport, me tre vende të rajonit përveç Malit të Zi dhe Serbisë. Me Malin e Zi vendi ynë shkëmbeu 102 milionë lekë më pak mallra ose 10% më pak dhe me Serbinë 1.4% më pak.

Nga ana tjetër, me vendet e tjera të rajonit marrëdhëniet tregtare janë forcuar. Konkretisht, vendi ynë ka rritur eksportet në vlerë me 5.1% në Kosovë, 4.9% në Bosnje Hercegovinë, dhe 91.4% në Maqedoninë e Veriut.

Sa i përket importeve në vlerë, Shqipëria ka zgjeruar tregtinë me Bosnje Hercegovinën dhe Kosovën, ka ulur ndjeshëm me Malin e Zi.

Krahas ndryshimit në vlerë të treguesve të tregtisë së jashtme në analizë është marrë edhe pesha e mallrave të eksportuar në vendet e rajonit.

Të dhënat tregojnë se si importet edhe eksportet në peshë janë rritur me të gjithë partnerët rajonalë. Konkretisht, vendi ynë rriti volumin e mallrave të eksportuara në Malin i Zi me 13%, Bosnje Hercegovinë me 12% dhe Kosovë me 30%.

LEXONI GJITHASHTU:

• Putin mbyll vizitën në Kinë: 200 mld euro në vit nga marrëdhëniet tregtare
• Turqia ndërpret të gjitha marrëdhëniet tregtare me Izraelin