Tregtonte dhe reklamonte në Tik Tok bombola me azot, arrestohet 21-vjeçari

Një 21-vjeçar është arrestuar nga policia e Tiranës, pasi u ndalua duke tregtuar bombola të kontrabanduara që dyshohet se përmbajnë lëndë të rrezikshme për shëndetin (azot) dhe i reklamonte në rrjetet sociale duke bërë thirrje për t’i blerë ato, në tabakinon e tij.

Policia ka sekuestruar bombolat e gazit në cilësinë e provës materiale. Mësohet se i riu përdoret rrjetin social Tik Tok për të tregtuar lëndën e cilësuar si narkotike tek të rinjtë.

Materialet procedurale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

“Specialistët e Seksionit për Hetimin e Krimeve Ekonomike dhe Financiare të DVP Tiranë, në vijim të punës për evidentimin dhe goditjen e të gjitha rasteve të paligjshmërisë, pas publikimit të një videoje në rrjete sociale, në të cilën shfaqej një shtetas që reklamonte bombola me lëndë të rrezikshme për shëndetin (azot), menjëherë kanë organizuar punën për kapjen e tij.

Falë veprimeve të shpejta hetimore është bërë identifikimi, kapja dhe arrestimi i shtetasit A. T., 21 vjeç, banues në Tiranë.

21-vjeçari tregtonte në tabakinon e tij, në rrugën “Tre Dëshmorët”, bombola të kontrabanduara që dyshohet se përmbajnë lëndë të rrezikshme për shëndetin. Në cilësinë e provës materiale u sekuestruan bombolat që u gjetën gjatë kontrollit në këtë tabakino”, thueht në njoftimin e policisë.

LEXONI GJITHASHTU:

• Tullumbacet me azot, Balla: Disa të ndaluar për futjen e substancës në Shqipëri
• Gazetari Myrta: Enca Haxhia 5 vazot me kanabis nuk i ka mbjellë vetë
• “Tullumbacet” në lokalet e natës, droga e fortë qarkullon lirshëm në kryeqytet