Tullumbacet me azot, Balla: Disa të ndaluar për futjen e substancës në Shqipëri

Ministri i Brendshëm Taulant Balla ka reaguar lidhur me drogën e re që po kthehet në trend tek të rinjtë në vendin tonë, tullumbacet me azot.

Balla shprehet se sot Policia e Shtetit ka ndaluar persona të përfshirë në futjen e paligjshme të kësaj substance në Shqipëri (jo për qëllime mjekësore)

“Siç e thashë dje në Kuvendin e Shqipërisë, përveç kanabisit dhe lëndëve narkotike të tjera, tollumbacja me oksid azoti është substanca e re që po kthehet në trend për të rinjtë në Shqipëri. Sot Policia e Shtetit ka ndaluar persona të përfshirë në futjen e paligjshme të kesaj substance në Shqipëri (jo për qëllime mjekësore). Do të bashkëpunojmë me Prokurorinë për konsultimin e mjekëve ekspertë të fushës për klasifikimin e rrisqeve që sjell kjo lëndë tek shëndeti i të rinjve”, shprehet Balla.

LEXONI GJITHASHTU:

• Gazetari Myrta: Enca Haxhia 5 vazot me kanabis nuk i ka mbjellë vetë
• “Tullumbacet” në lokalet e natës, droga e fortë qarkullon lirshëm në kryeqytet