“Trëndafilin kur ta dhashë”, Ansambli Popullor koncert dedikuar dashurisë

Në Teatrin Kombëtar të Operas dhe Baletit u ngjitën në skenë këngët dhe vallet më të bukura shqiptare, dedikuar dashurisë.

“Trëndafilin kur ta dhashë” ishte koncerti që u ngjit në skenë këtë fundjavë nga trupa e Ansamblit Kombëtar të Këngëve dhe Valleve Popullore.

Koncerti, që çeli sezonin artistik të Ansamblit Popullor, prezantoi një udhëtim muzikor nga Veriu, Shqipëria e Mesme deri në Jug, ku u përjetua pasuria kulturore, magjia e këngës shqipe dhe bukuria e valleve tona tradicionale.

“Trëndafilin kur ta dhashë” përmbante këngë, valle, dhe pjesë vokale, të cilat trajtuan të gjitha tematikën e dashurisë.

Në shfaqje interpretuan solistët e Ansamblit Kombëtar, grupi i valleve, grupi vokal dhe orkestra.

Publiku shijoi, mes të tjerash, vallen e Çamërisë apo vallen e Shqipërisë së Mesme, ndërkohë që qershia mbi tortë ishte Kërcimi i Tropojës, i interpretuar nga trupa e Ansamblit.

LEXONI GJITHASHTU:

• “Iluzione bashkëshortore” në ArtTurbina, “Dhelprat e vogla” në Teatrin e Metropolit
• Altin Basha shkarkohet nga drejtimi i Teatrit Kombëtar