Treni përplaset me kamionin, del nga shinat dhe shpërthen në flakë

Një tren mallrash shpërtheu në flakë pasi u përplas me një kamion në rajonin Smolensk të Rusisë të premten, thanë autoritetet.

Zyrtarët njoftuan se aksidenti ndodhi në një kryqëzim rrugor, rreth 45 kilometra në perëndim të Smolenskut, në linjën hekurudhore për në Vitebsk të Bjellorusisë.

Sipas raportimeve, 18 vagona dolën nga shinat, 16 prej tyre u përmbysën dhe u përfshinë nga flakët, përfshirë 12 që transportonin benzinë dhe katër të ngarkuar me dru.

Shkaku i aksidentit, sipas Komitetit Hetues, ishte shoferi i kamionit, i cili vdiq në vendngjarje, pasi kishte injoruar dritat paralajmëruese dhe nuk kishte ndaluar.

Zyrtarët e hekurudhës thanë se inxhinieri dhe ndihmësi i trenit pësuan lëndime të lehta.

Ndërkohë, Ministria e Emergjencave e Rusisë dërgoi 10 zjarrëfikëse për të shuar flakët.

LEXONI GJITHASHTU:

• Policia holandeze arreston dy adoleshentë të dyshuar për spiunazh për Rusinë
• Sekretari amerikan i Financave refuzon të takojë presidentin e Serbisë