Një sasi lënde plasëse ka shpërthyer në orën 2 të mëngjesit në verandën e banesës së Preng Pjetrit në fshatin Ungrej të Lezhës.
Si pasojë e shpërthimit fatmirësisht nuk ka patur të lënduar në njerëz por vetëm dëme materiale.
Ashtu si shihet dhe nga pamjet, shpërthimi ka qenë shumë i fortë duke shkaktuar dëme të konsiderueshme.
Në momentet e shpërthimit në banesë ka qenë Preng Pjetri sëbashku me bashkëshorten dhe nënën e moshuar.
Preng Pjetri mban detyrën e kreut të degës së Partisë Demokratike në Ungrej ndërsa po hetohet nëse kjo ngjarje ka të bëjë me përfshirjen e tij në politikë.
Ndërkohë lidhur me këtë rast ka reaguar përmes një statusi në Facebook deputetja e Pd Lindita Metaliaj e cila e ka cilësuar këtë sulm si një akt terrorist ndaj dëmokratëve.
Policia ka nisur punën për zbardhjen e ngjarjes dhe motiveve te saj.
LEXONI GJITHASHTU