Tritol shtëpisë së kushëririt të Nuredin Dumanit në Durrës

Një shpërthim me lëndë plasëse ndodhi mbrëmjen e së hënës në oborrin e një shtëpie në lagjen Nr.14 në Durrës, njohur ndryshe dhe si “Nishtulla”.

Burime për Euronews Albania bënë me dije se shpërthimi ndodhi në banesën e një të afërmi të të shumëkërkuarit Nuredin Dumani.

Policia tha se ngjarja ndodhi rreth orës 21:30 dhe dyshohet “të ketë qenë një sasi e vogël lënde plasëse”.

Shpërthimi ka ndodhur në oborrin e shtëpisë së Skënder Hoxhës. Fatmirësisht nuk ka pasur të lënduar.

Hoxha, 35-vjeç, thuhet se është kushëri i Nuredin Dumanit, i shpallur në kërkim nga policia për vrasjen e Bujar Çelës në Elbasan më 17 shtator.

Viktima ishte vëlla i Taho Çelës, edhe ky i shpallur në kërkim dhe dyshohet se ka qenë bashkëpunëtor me Dumanin në disa ngjarje kriminale, si grabitja e disa milionë eurove në aeroportin e Rinasit, apo dhe vërasja e vëllezërve Besmir dhe Viktor Haxhia në Durrës.

Dumani dyshohet të ketë lidhje edhe në vrasjen e Emiljano Ramazanit, Anxhelo Avdisë dhe Dorjan Shkozës vrasje të kryera në muajt korrik dhe mars të këtij viti.

Për kapjen e Dumanit policia ka vënë si shpërblim shumën prej 10 mijë eurosh.

Lexoni gjithashtu : 

Vritet në një atentat në Elbasan vëllai i të shumëkërkuarit Talo Çela

Ekzekutimi i vëllait të të shumëkërkuarit për grabitjen e Rinasit, gazetari i Euronews Albania sjell detajet

Nuredin Dumani në kërkim nga policia si i dyshuar për vrasjen e Bujar Çelës në Elbasan

I dyshuar për vrasjen e dy vëllezërve, policia vë në dispozicion 10 mijë euro për kapjen e të shumëkërkuarit