Tritoli në agjencinë funerale për një borxh të pashlyer, identifikohet autori

Policia e Shkodrës ka zbardhur ngjarjen e ndodhur në lagjen “Skënderbeg” në orët e para të mëngjesit të dy ditëve më parë.

Është identifikuar dhe është shpallur në kërkim 35-vjeçari B. P., me precedent penal për armëmbajtje pa leje.

Nga veprimet hetimore dyshohet se për shkak të një borxhi të pashlyer, ky shtetas ka hedhur në derën e agjencisë funerale në pronësi të bashkëshortëve F. F. dhe A. F., një sasi lënde plasëse, nga shpërthimi i së cilës u shkaktuan vetëm dëme materiale.

Vijon puna për kapjen e 35-vjeçarit dhe vënien e tij përpara përgjegjësisë ligjore.

Materialet procedurale i kaluan Prokurorisë, për veprime të mëtejshme.