Tronditet Stambolli! Një person plagos me thikë 11 kalimtarë në rrugë (Video)

Një burrë në Turqi, ka “tronditur” Stambollin këtë të hënë pasi ka sulmuar me thikë të paktën 11 persona në rrugë, mes tyre një vajzë e re.

Raportimet nga qyteti turk thonë se autori është identifikuar, por identiteti i tij ende nuk është bërë publik.

Viktimat u dërguan për trajtim në Spitalin Shtetëror turk, ”Esenyurt Necmi Kadıoğlu” aty pranë. Lëndimet e tyre nuk besohet të jenë rrezik për jetën. Një nga viktimat, Mehmet Üstel, pretendoi se vrasësi me thikë nisi sulmin e tij të furishëm mëngjesin e së hënës dhe vazhdoi deri të paktën në mesditë, kur u vu në shënjestër.

“Ai ka filluar të godasë me thikë në mëngjes, por më ka goditur me thikë në mesditë. Numri i njerëzve që ka goditur nuk është i qartë. Ndërsa po ecja, më kapi një person. Ai nxori thikën. Dukej sikur po bënte shaka në fillim. Më goditi në këmbë dhe u largua. Unë rashë menjëherë në tokë. Sulmi filloi në orën 09:30 të mëngjesit, dhe më kapi në orën 13:30. Më goditi me thikë. Numri i njerëzve që goditi nuk dihet”,-tha Ustel.

Pamjet e CCTV-së që qarkulluan në mediat sociale supozohet se kapën momentin kur vrasësi me thikë hyri në një ndërtesë vetëm për të dalë jashtë brenda disa sekondash, ndërsa mbante atë që duket të jetë një armë në dorë.

Esenyurt’ta bir şahıs sokak sokak gezip 11 kişiyi bıçakladı. pic.twitter.com/zmh2monDa3

— Mehmet Ardıç 🇹🇷 (@MehmetArdic_) January 22, 2024

LEXONI GJITHASHTU:

• Sulm me thikë një kopsht fëmijësh në Kinë, 6 të vrarë
• Biden: Nuk i kemi ndalur dot sulmet e Houthi në Detin e Kuq