Trump: Biden është nën kontrollin e plotë të Kinës

Kandidati për president të SHBA-së, Donald Trump, pretendon se presidenti aktual, Joe Biden, është “nën kontrollin e plotë të Kinës”.

Duke folur në një tubim në New Hampshire, Trump tha të martën se administrata amerikane nuk po i përgjigjet raporteve për aktivitetet kineze në Kubë, duke e lidhur atë me lidhjet e supozuara financiare të familjes Biden me kompanitë kineze, raporton Tass.

“Joe Biden është një president i kompromentuar. Kina e di se si ai është i kompromentuar. Ata kanë kontroll të plotë mbi të. Kina zotëron Bidenin”, tha Trump.

Ai shtoi se nëse rizgjidhet president, do t’i kërkojë Pekinit të heqë të gjitha pajisjet ushtarake dhe të inteligjencës nga Kuba “brenda dy ditësh”.

LEXONI GJITHASHTU:

• “Këto janë sekrete!”, Trump pranon konfidencialitetin e dokumenteve
• Senatorët amerikanë letër Biden, çfarë kërkojnë për Kosovën dhe Serbinë