Trump: Bojkotimi i makinave Tesla i paligjshëm, do blej 1 për të mbështetur Musk 

Presidenti amerikan Donald Trump ka deklaruar se bojkoti i makinave Tesla është i paligjshëm dhe ka njoftuar se do të blejë një për të mbështetur pronarin e kompanisë dhe bashkëpunëtorin e tij, miliarderin Elon Musk.

Një ditë pasi aksionet e Tesla pësuan rënien e tyre më të madhe në vlerë në pesë vjet, Trump tha se “të majtët radikalë” ishin fajtorë për bojkotimin e makinave Tesla, raporton Guardian.

E përditshmja britanike raporton se disa automjete Tesla ishin parkuar sot para Shtëpisë së Bardhë, në mënyrë që Trump, i shoqëruar nga Musk dhe djali i tij, të zgjidhte se cilën makinë do të blinte, duke kujtuar se në gusht 2024, Musk i dha Trumpit një “Tesla Cybertruck”.

“Elon Musk ka vënë gjithçka në linjë për të ndihmuar kombin tonë dhe ai është duke bërë një punë fantastike. Megjithatë, e majta radikale, si zakonisht, po përpiqet të bojkotojë ilegalisht dhe në marrëveshje të fshehtë Teslën, një nga prodhuesit më të mëdhenj të makinave në botë, vetëm për të sulmuar dhe dëmtuar Elon dhe gjithçka që ai përfaqëson,” postoi Trump në llogarinë e tij në rrjetet sociale, Truth Social.

LEXONI GJITHASHTU:

• Djali i madh i Donald Trump vizitë të papritur në Serbi, do takohet me Vuçiç
• Tregjet e aksioneve në rënie, Trump paralajmëron për sfidat e ekonomisë