Trump: Do t’i dërgoj Kongresit për shqyrtim marrëveshjen me Iranin

Presidenti amerikan, Donald Trump tha të marten se do t’i dërgojë Kongresit për shqyrtim tekstin përfundimtar të marrëveshjes së tij me Iranin, edhe pse pranoi se fillimisht kjo nuk i kishte shkuar ndërmend.

“Po, do ta bëja. Nuk kam menduar kurrë ta dërgoj, as nuk kam menduar kurrë për këtë, por do ta bëj. Do ta dërgoj në Kongres”, u tha Trump gazetarëve në samitin e G7 në Francë.

“Më pëlqen ideja. Dërgojeni Kongresit, ju lutem”, shtoi ai.

Në përgjigje të lajmeve rreth marrëveshjes të dielën, aleati i Trump dhe senatori i Karolinës së Jugut, Lindsey Graham, tha se sipas ligjiy, çdo marrëveshje bërthamore me Iranin do t’i dërgohet Kongresit për shqyrtim dhe votim.

“Pres me padurim shqyrtimin e produktit përfundimtar dhe besoj se është e domosdoshme që arkitekti i marrëveshjes, zëvendëspresidenti Vance dhe partnerët e tij negociues, të jenë pjesë e procesit të paraqitjes së marrëveshjes përfundimtare në Kongres”, tha ai.

I ulur pranë presidentit të Emirateve të Bashkuara Arabe, Sheikh Mohamed bin Zayed Al Nahyan, Trump bëri shaka se do të merrte mbështetjen e Demokratëve për marrëveshjen.

“Ajo që do të doja të bëja është t’ia dërgoja Kongresit duke i thënë se nuk duhet ta miratoni, dhe unë do ta miratoj. Çfarëdo që të them unë, ata duan të bëjnë të kundërtën”, shtoi ai.