Trump emëron 13-vjeçarin si agjent të Shërbimit Sekret të SHBA
Presidenti Donald Trump, gjatë një fjalimi para Kongresit të martën, kërkoi nga drejtori i Shërbimit Sekret të SHBA që të emërojë 13-vjeçarin DJ Daniel, si agjent të shërbimit sekret.
Trump solli përpara Kongresit amerikan dhe gjithë botës historinë e 13-vjeçarit i cili pas një beteje 6-vjeçare me kancerin mundi ta mposhtë atë.
DJ Daniel u diagnostikua në vitin 2018 me një formë të rrallë të kancerit në kokë, dhe sipas mjekëve, ai kishte vetëm pesë muaj jetë. Megjithatë, kundër të gjitha parashikimeve, ai mbijetoi sëmundjes dhe vijoi të ndjekë ëndrrën e tij për t’u bërë oficer policie.
Presidenti Trump e përmendi historinë e DJ-t me admirim, duke e cilësuar atë si një simbol të forcës dhe vendosmërisë.
“Mjekët i dhanë maksimumi pesë muaj jetë,” tha Trump. “Kjo ishte më shumë se gjashtë vjet më parë. Që atëherë, DJ dhe babai i tij kanë qenë në një mision për ta bërë këtë ëndërr realitet,” tha presidenti.
Pamjet e momentit kur Trump përmendi DJ Danielin po bëjnë xhiron e botës, duke ngjallur reagime pozitive dhe një mbështetje të madhe për të riun. Kërkesa e Trump për emërimin e tij si agjent të Shërbimit Sekret është parë si një gjest simbolik që vlerëson guximin dhe këmbënguljen e 13-vjeçarit.
“Sonte, DJ, ne do t’ju bëjmë nderin më të madh nga të gjithë,” tha Trump. “Unë po i kërkoj drejtorit tonë të ri të Shërbimit Sekret, Sean Curran, që t’ju bëjë zyrtarisht agjent të Shërbimit Sekret të Shteteve të Bashkuara,” përfundoi presidenti amerikan.
Në atë moment dhoma shpërtheu në duartrokitje, duke sjellë një moment të rrallë uniteti në Kongres, ku edhe demokratët u çuan në këmbë të duartrokisnin vendimin e Presidentit.
View this post on Instagram
LEXONI GJITHASHTU:
Rubio: SHBA-ja është “e harmonizuar” me aleatët në Gjirin Persik sa i përket Iranit
Bitcoin bie nën 60,000 dollarë mes presionit në tregjet globale
Trump: Irani po bën lëshime të mëdha
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve