Trump fitoi zgjedhjet në SHBA, Këlliçi: Performanca e demokratëve ishte e turpshme

Juristi Reshard Këlliçi ishte këtë të mërkurë i ftuar në “Barometri” në Euronews Albania ku ka komentuar zgjedhjet e mbajtura ditën e djeshme në SHBA, ku Donald Trump u zgjodh për herë të dytë president.

Sipas Këlliçit Donald Trump fitoi lehtë, ndërsa sondazhet e publikuara paraprakisht kanë qenë të blera, gjë që sipas tij tregon se demokratët në kampin e Kamala Harris bënë gabimin të besonin në gënjeshtrat e tyre.

“Performanca e demokratëve ka qenë e turpshme dhe janë turpëruar. Ata besuan përrallat e tyre. ata besuan sondazhet që i blenë vetë. Është fakt që paratë kanë qenë influencë në rezultatet e sondazheve.

Trump e fitoi lehtshëm fare. Problemi është kur fillon të besosh gënjeshtrën tënde. Kjo ka ndodhur. Ajo që ka ndodhur që nuk dëgjojmë është se sot është një ditë e bukur. Zgjedhjet në Amerikë u përmbyllën pa tensione. Të dy kandidatët e njohin rezultatin dhe dimë që njëri nga kandidatët dhe ai që sot është presidenti, donin ta vrisnin në mes të fushatës se u tentua ti merrej jeta. Kjo tregon qëndresën amerikane”,-tha Këlliçi.