Trump fjalim pas deklaratave për Gazën, e quan veten “paqebërësi”

Në një fjalim të mbajtur në Kapitol këtë të enjte, Presidenti amerikan Donald Trump u përqendrua në arritjet e tij diplomatike dhe planin e tij për të ardhmen e Shteteve të Bashkuara. Gjatë fjalës, Trump theksoi rolin e tij si paqebërës, duke marrë merita për armëpushimin mes Izraelit dhe Hamasit, i cili hyri në fuqi më 19 janar.

Ai u shpreh se gjatë mandatit të tij të parë, “nuk pati luftëra”, duke shtuar se kur u rikthye në postin e presidentit, Lindja e Mesme ishte në kaos dhe konflikti mes Rusisë dhe Ukrainës ishte në kulmin e tij.

Në një moment, Trump kërkoi që disa anëtarë të familjes së pengjeve izraelitë të ngriheshin në këmbë, duke i siguruar ata se “do të vazhdojë të punojë derisa çdo peng të kthehet në familjen e tij”.

Trump gjithashtu theksoi rëndësinë e besimit në Zot dhe deklaroi se themeli i Amerikës qëndron në katër fjalë të thjeshta: “Ne besojmë te Zoti”. Ai gjithashtu paralajmëroi një “epokë të artë” për Shtetet e Bashkuara.

Në përfundim të fjalimit, Trump përmendi zhvillimin e Kupës së Botës dhe festën e 250-vjetorit të SHBA, të cilat do të mbahen vitin e ardhshëm , duke shprehur shpresën për një të ardhme të ndritshme dhe një “festë të madhe” në SHBA.

Kujtojmë se ditën e mërkurë pas pritjes në Shtëpinë e Bardhë që i bëri kryeministri izraelit,  Benjamin Netanyahut, Trump bëri një deklaratë të fortë ku tha se SHBA-të do të marrin nën kontroll Gazën dhe sugjeroi zhvendosjen e palestinezëve drejt vendeve fqinje.

LEXONI GJITHASHTU:

• “Do i përulen mjeshtrit e do tundin bishtin”| Putin reagon pas tarifave të Trump
• “Të mos jemi naiv” Liderët e BE reagojnë ashpër ndaj deklaratës së Trump për tarifat