Trump mbron bllokadën detare nga Irani: SHBA nuk do të lejojnë shantazhimet

Donald Trump ka mbrojtur bllokadën detare të SHBA-së, duke deklaruar se ajo synon të parandalojë Iranin nga “shantazhimi” dhe “zhvatja e botës”.

Ai tha se SHBA-të nuk varen nga Ngushtica e Hormuzit, duke shtuar: “Ne nuk e përdorim ngushticën” dhe duke pretenduar se vendi ka rezerva më të mëdha nafte dhe gazi se Arabia Saudite dhe Rusia.

Trump u shpreh se shumë vende po i drejtohen SHBA-së për furnizim me naftë, të cilën e quajti “më të mirë dhe më të ëmbël”, dhe sugjeroi se situata mund të zgjidhet së shpejti.

I pyetur për mbështetjen ndërkombëtare ndaj bllokadës, ai tha se SHBA nuk ka nevojë për vende të tjera, por shtoi se disa shtete kanë ofruar ndihmë dhe se detaje të mëtejshme do të publikohen më vonë.