Trump mbron Netanyahun, kërcënon Hamasin me shkatërrim

Presidenti i Shteteve të Bashkuara, Donald Trump në një intervistë për emisionin “60 Minutes” foli lidhur me një sërë çështjesh të politikës së jashtme dhe të brendshme. Trump zbuloi se i ka kërkuar Departamentit të Luftës të përgatitet për rifillimin e testimeve bërthamore, duke argumentuar se Shtetet e Bashkuara duhet të ruajnë epërsinë ndaj fuqive të tjera.

Në të njëjtën kohë, ai pretendoi se vendi ka fuqi bërthamore të aftë të shkatërrojë botën 150 herë dhe se kërkon një ekuilibër të ri parandalimi me Rusinë dhe Kinën.

“Rusia po teston, dhe Kina po teston, por ata nuk po flasin për këtë,” argumentoi republikani.

Presidenti amerikan e bëri të qartë se armëpushimi që ai ndërmjetësoi në Gaza nuk është i brishtë dhe theksoi se Hamasi do të asgjësohet nëse nuk çarmatoset.

“Nuk është i brishtë. Është shumë i qëndrueshëm. Hamasi mund të neutralizohet menjëherë nëse nuk sillet siç duhet”, shtoi ai.

Kur u pyet se si do ta arrinte çarmatimin e organizatës, ai u përgjigj se kjo do të arrijë shumë shpejt ose ata do të shkatërrohen.

Trump zbuloi se i bëri presion kryeministrit izraelit Benjamin Netanyahu për të arritur një armëpushim në Gaza, duke pretenduar se udhëheqësi izraelit kishte nevojë për udhëzime për të rënë dakord.

Ai njoftoi gjithashtu se Shtetet e Bashkuara do të përfshiheshin në gjyqin e Netanyahut, duke thënë: “Ne do ta ndihmojmë pak, sepse mendoj se ai është trajtuar shumë padrejtësisht”.

Trump e quajti Netanyahun një kryeministër në kohë lufte dhe tha se ai bëri një punë të shkëlqyer në rrethana të vështira.

“It’s not fragile,” President Trump says of the ceasefire in Gaza. “Hamas could be taken out immediately if they don’t behave. They know that. If they don’t behave, they’re going to be taken out immediately.“ https://t.co/dC2WfzL8Ql pic.twitter.com/RTzSJ2Gjb7

— 60 Minutes (@60Minutes) November 3, 2025

LEXON GJITHASHTU:

• E ardhmja e Gazës, Turqia mbledh ministrat e jashtëm të vendeve myslimane
• Kryebashkiaku meksikan vritet gjatë festimeve të Ditës së të Vdekurve