Trump ndalohet të përdorë këngën e Hayes për fushatë, shkak padia e familjes së tij

Një gjykatës amerikan ka urdhëruar fushatën e Donald Trump që të ndalojë përdorimin e këngës “Hold On, I’m Coming” në tubimet e tij, në përgjigje të një padie nga familja e bashkë-autorit të këngës, Isaac Hayes.

Kandidati republikan për president e përdor rregullisht këngën para dhe pas fjalimeve të tij, duke përfshirë edhe ceremoninë e Konventës Kombëtare Republikane në korrik.

Familja e Hayes ka paditur fushatën e zotit Trump, duke thënë se ai injoroi vazhdimisht kërkesat për të ndaluar përdorimin e këngës, të bërë të famshme nga dyshja Sam dhe Dave në vitin 1966.

Vendimi i përkohshëm, nga gjyqtari Thomas Thrash në Gjeorgji, do të thotë se fushatës i ndalohet riprodhimi i tij derisa të zgjidhet çështja gjyqësore.

LEXONI GJITHASHTU:

• Gjykata federale refuzon të marrë përsipër çështjen e Trump në Nju Jork
• Gara Trump-Harris, sondazhi i CNN: lufta më e fortë për Xhorxhian dhe Pensilvaninë