Trump nderon Charlie Kirk me Medaljen Presidenciale të Lirisë

Presidenti Donald Trump i dha të martën nderimin më të lartë civil të Amerikës Charlie Kirk, një nga aleatët më të ngusht të presidentit, dhe një nga aktivistët më të njohur, konservatorë, i cili u qëllua për vdekje në një aktivitet fushate në Universitetin Utah Valley, ndërsa diskutonte me anëtarët e audiencës.

Trump ia dorëzoi çmimin gruas së të ndjerit, Erica Kirk.

“Charles James Kirk ishte një vizionar dhe një nga përfaqësuesit më të shquar të gjeneratës së tij”, tha Trump në ceremoninë e ndarjes së çmimeve.

Ndërkohë, bashkëshortja e Kirk, e falenderoi dhe e vlersoi shumë këtë gjest të presidentit Trump.

“Faleminderit, Z. President, që nderuat bashkëshortin tim, në një mënyrë kaq të thellë dhe kuptimplote. Faleminderit që e bëtë këtë ngjarje një përparësi. Mbështetja juaj për familjen tonë dhe punën së cilës Charlie ia kushtoi jetën e tij do të jetë diçka që do ta çmoj përgjithmonë”,tha ajo.

Kjo Ceremoni, përkoi me atë që do të kishte qenë ditëlindja e 32-të e Kirkut.

LEXONI GJITHASHTU:

• Eksperti i sigurisë analizon atentatin: Pse nuk u parandalua vrasja e Charlie Kirk
• Një klerik ndihmoi në dorëzimin e të dyshuarit për vrasjen e Charlie Kirk