Trump: Në Gazë duhet të krijohet një forcë e re policore

Gjatë fjalimit në samitin për paqe në Egjipt, Trump tha se në Gazë duhet të krijohet një forcë e re policore.

“Ne po ashtu jemi pajtuar se rindërtimi i Gazës kërkon që zona të çarmatoset, në mënyrë që një forcë policore civile të lejohet të krijojë kushte të sigurta për njerëzit në Gazë”, tha ai.

Trump bëri thirrje për bashkëpunim, që siç tha “më në fund na ka sjellë në këtë përparim të pabesueshëm dhe historik”.

“Kjo është hera e parë që kriza e Lindjes së Mesme i ka bashkuar njerëzit, në vend që t’i ndajë ata, dhe për të deklaruar se e ardhmja jonë nuk do të sundohet nga grindjet e brezave të kaluar, gjë që është marrëzi. Pra, së bashku, le të vazhdojmë në frymën e bashkëpunimit dhe vullnetit të mirë që më në fund na ka sjellë në këtë përparim të pabesueshëm dhe historik”, tha Trump.

Presidenti i SHBA-së, Donald Trump, dhe disa udhëheqës të tjerë botërorë nënshkruan një marrëveshje armëpushimi në Gaza gjatë një samiti në Egjipt.

Më herët gjatë ditës, Trump përshëndeti “agimin e një Lindjeje të Mesme të re” në fjalimet e tij para parlamentit izraelit.