Trump padit Wall Street Journal, kërkon 10 miliardë dollarë dëmshpërblim
Presidenti amerikan Donald Trump ka ngritur një padi për shpifje kundër gazetës Wall Street Journal dhe pronarëve të saj, përfshirë Rupert Murdoch, pas publikimit të një artikulli mbi një letër “të turpshme” ditëlindjeje drejtuar Jeffrey Epstein.
Përmbajtja e letrës përfshinte një mesazh personal dhe një vizatim të një gruaje nudo, që pretendohet të jetë nënshkruar nga Trump.
Padia, e dorëzuar në Distriktin Jugor të Floridës në gjykatën federale në Majami, kërkon të paktën 10 miliardë dollarë dëmshpërblim.
Në të përmenden si të paditur Rupert Murdoch, Dow Jones, News Corp, shefi ekzekutiv Robert Thomson, si dhe dy gazetarë të Wall Street Journal, me akuza për raportim të rremë, shpifës, të pabazuar dhe përçmues.
Sipas ligjit amerikan, për të fituar një padi për shpifje, një figurë publike duhet të provojë jo vetëm se është bërë objekt i informacionit të rremë, por edhe se i pandehuri ka vepruar me “keqdashje të vërtetë”, që do të thotë se dinte se pretendimet ishin të rreme ose i injoroi qëllimisht ato.
I përballur me presion për të zbuluar më shumë rreth Epstein, i cili vdiq në qelinë e tij në 2019 ndërsa përballej me akuza për trafikim seksual, Trump urdhëroi të enjten Prokuroren e Përgjithshme Pam Bondi të kërkojë publikimin e dëshmive të jurisë së madhe në lidhje me Epstein.
Një ditë më vonë, Qeveria amerikane kërkoi nga gjykata federale në Manhatan që të publikojë transkriptet e jurisë së madhe në rastin Epstein dhe ish-bashkëpunëtores së tij, Ghislaine Maxwell.
Maxwell u shpall fajtore në 2021 për rolin e saj në abuzimin seksual të vajzave të mitura nga Epstein. Ajo është në proces apelimi të dënimit me 20 vjet burg në Gjykatën Supreme të SHBA-së.
Trump ka pranuar më parë se ka pasur kontakte me Epstein, por thotë se marrëdhënia u ndërpre pas një “grindjeje”.
LEXONI GJITHASHTU:
Kryefaqja
Bombardime ruse në Ukrainë, të paktën 6 të vrarë dhe rreth 50 të plagosur
Uashingtoni paralajmëron Teheranin: Nga marrëveshja bërthamore fitoni më shumë se nga tarifat në Hormuz
SHBA nënshkruan marrëveshjen për ambasadë të përhershme në Jerusalem
- 23:25 Dosja “Ura”, BKH arreston Adi Çobën, i akuzuar si organizator i trafikut të heroinës dhe kokainës
- 22:37 Zgjidhet Kryetarja e re e Këshillit Kombëtar të PD-së, ja kush e zëvendëson Palokën
- 22:30 Bombardime ruse në Ukrainë, të paktën 6 të vrarë dhe rreth 50 të plagosur
- 22:28 Uashingtoni paralajmëron Teheranin: Nga marrëveshja bërthamore fitoni më shumë se nga tarifat në Hormuz
- 22:28 SHBA nënshkruan marrëveshjen për ambasadë të përhershme në Jerusalem
- 22:24 Irani: Çdo kërcënim do të marrë përgjigje të menjëhershme, Trump të frenojë aleatët e tij