Trump paralajmëron Rusinë për pasoja shumë të rënda nëse nuk ndalet lufta në Ukrainë

Presidenti i SHBA-së, Donald Trump, premtoi “pasoja shumë të rënda” për Rusinë nëse presidenti i saj, Vladimir Putin, nuk pranon t’i japë fund luftës në Ukrainë gjatë takimit të të dy udhëheqësve të premten.

“Do të ketë pasoja”, tha Trump sapo gjatë një aktiviteti në Qendrën Kennedy në Uashington.

I pyetur nëse kjo do të thoshte sanksione apo tarifa të reja, Trump ngurroi.

“Nuk kam nevojë të them”, tha ai, duke shtuar vetëm: “Do të ketë pasoja shumë të rënda”.

Trump më parë kishte kërcënuar me sanksione të reja ndaj Moskës si ndëshkim për luftën në Ukrainë, duke vendosur të premten e kaluar si afat për t’i vendosur ato, nëse Putini nuk do të ulej në tryezën e negociatave.

Ky afat erdhi dhe iku pa sanksione të reja, të cilat mund të kishin efekt të kufizuar duke pasur parasysh nivelet e ulëta të tregtisë midis SHBA-së dhe Rusisë.

Trump ka kërcënuar gjithashtu me sanksione dytësore vendet që blejnë energji ruse. Ndërsa vendosi taksa të reja mbi Indinë, blerësin numër dy të naftës ruse, ai nuk i vendosi taksat e reja klientes më të madhe të Indisë, Kinës.

LEXONI GJITHASHTU:

• Trump përfshihet në bisedimet për Ukrainën, pritet takim me Putinin në Alaska
• Takimi Trump–Putin në Alaskë, fati i ftesës për Zelenskyn mbetet i paqartë