Trump pas operacionit në Venezuelë: Sulmi në Karakas, i paparë që nga Lufta e Dytë Botërore

Presidenti i SHBA-së, Donald Trump, doli në një komunikim për mediat, një dalje pas operacionit që forcat amerikane kryen në Venezuelë, gjë që çoi në arrestimin e presidentit Nicolas Maduro dhe bashkëshortes së tij.

Trump theksoi se ky operacion ishte shumë i suksesshëm dhe se asnjë trup amerikan nuk humbi jetën.

“Në bazë të udhëzimeve të mia, SHBA, forcat e armatosura të saj, kryen një operacion në kryeqytetin e Venezuelës, Karakas, me fuqi ushtarake, nga i cili u zhvilluan në mënyrë spektakolare një operacion që nuk është parë që nga Lufta e Dytë Botërore. Ky ishte një nga angazhimet më të fuqishme të SHBA-së, njësoj si sulmi ndaj gjeneralit iranian Qasem Soleimani dhe si ai ndaj impianteve bërthamore iraniane.
Asnjë vend në botë nuk mund të arrijë atë që arritën trupat amerikane në një periudhë kaq të shkurtër. Të gjitha forcat ushtarake venezueliane u paralizuan dhe forcat amerikane në momentin kur dritat në Karakas ishin fikur dhe nga ekspertiza që kemi bërë, arrestuan së bashku me bashkëshorten e tij presidentin Maduro. Të dy ata do të përballen me drejtësinë amerikane dhe do të përballen me gjykatën e Nju Jorkut për trafik droge. Asnjë njësit ushtarake nuk ka arritur një sukses të tillë më parë.
Ka qenë një bashkëpunim edhe me forcat ligjzbatuese të SHBA. Trupat vendase ishin në gadishmëri, por ato u neutralizuan, kapacitetet e tyre u asgjësuan nga njësitë speciale të SHBA-së. Ishte diçka e pabesueshme. Asnjë anëtar i trupave amerikane nuk humbi jetën, asnjë paisje ushtarake nuk u humb gjatë operacionit”, u shpreh Trump.