Trump “tallet” me presidentin e Francës: Çfarë dreqin i ndodhi Macronit?

Presidenti i SHBA-së, Donald Trump, iu referua syzeve të diellit që presidenti francez, Emmanuel Macron, mbajti gjatë fjalimit të tij në Davos të martën.

Trump imitoi presidentin francez, duke pyetur fillimisht “çfarë dreqin i ka ndodhur Macronit” pasi e pa atë me “syze dielli të bukura” dje.

“Më pëlqen, në fakt më pëlqen [kjo] është e vështirë për t’u besuar, apo jo?” thotë ai.

Trump diskutoi lidhur me ato që ai i konsideron çmime të fryra nga kompanitë farmaceutike, të cilat, sipas tij, ia kanë dalë mbanë me këtë mashtrim për një kohë të gjatë.

Presidenti amerikan shtoi se i tha Macronit të ulte çmimin e barnave përpara se të imitonte theksin e presidentit francez në disa raste, duke thënë “jo, jo, jo”.

Megjithatë, Trump tha se i urdhëroi Macronit “ta bënte shpejt” përndryshe do t’i vendoste Francës një tarifë prej 25% për mallrat e shitura në SHBA dhe një tarifë 100% për verërat dhe shampanjat franceze.

“Jo, jo, Donald, unë do ta bëj”, thotë Trump, duke imituar përsëri Macronin.

Trump iu referua disa herë Macronit, i cili me shumë gjasa po e shikonte në audiencë ndërsa ai e bënte këtë.