Trump urdhëron lirimin e menjëhershëm të ish-kongresmenit të dënuar për mashtrim

Presidenti i SHBA-së, Donald Trump, ka ndryshuar dënimin me më shumë se shtatë vjet burg të dhënë ndaj ish-zyrtarit amerikan George Santos për mashtrim dhe vjedhje identiteti dhe ka urdhëruar lirimin e tij të menjëhershëm.

Trump tha të premten se Santos, 37 vjeç, ishte “abuzuar tmerrësisht” në burgun ku po vuante dënimin.

Santos, i cili u përjashtua nga Kongresi pas një mandati të shkurtër dhe të mbushur me skandale, u deklarua fajtor për falsifikim të shifrave të mbledhjes së fondeve dhe emrave të donatorëve për të siguruar mbështetje financiare për Partinë Republikane gjatë ciklit zgjedhor të vitit 2022, raporton Reuters.

Atë vit, Santos u zgjodh për të përfaqësuar qytetarët e disa pjesëve të Nju Jorkut dhe periferive lindore të Nju Jorkut në Kongres.

Gjatë fushatës së tij, Santos pretendoi në mënyrë të rreme se kishte ndjekur Universitetin e Nju Jorkut, kishte punuar në firmat konsulente Goldman Sachs dhe Citigroup dhe gënjeu se gjyshërit e tij i ikën nazistëve gjatë Luftës së Dytë Botërore.

LEXONI GJITHASHTU:

• Trump: Rusia ka ngecur në baltë, duhej ta kishte fituar luftën për një javë
• Çfarë folën liderët, zbardhen diskutimet Trump-Zelensky në “Shtëpinë e Bardhë”