Trump urdhëron mbylljen e të gjitha zyrave federale të diversitetit në SHBA

Punonjësit federalë amerikanë që punojnë në zyrat e diversitetit duhet të vihen në pushim me pagesë deri të mërkurën në mbrëmje pasi administrata e re e Donald Trump ka urdhëruar mbylljen e programeve, ka konfirmuar sekretarja e shtypit e Shtëpisë së Bardhë, Karoline Leavitt.

“Dërgoni një njoftim për të gjithë punonjësit e zyrave të DEIA (Diversiteti, Barazia, Përfshirja dhe Aksesueshmëria) se ata janë duke u vendosur në leje administrative të paguar menjëherë pasi agjencia merr hapa për mbylljen/fundimin e të gjitha nismave, zyrave dhe programeve të DEIA,” tha një Memorandumi i zyrës amerikane të menaxhimit të personelit i postuar në X.

Memorandumi, i konfirmuar nga Leavitt, i udhëzoi të gjithë drejtuesit e departamenteve dhe agjencive që të dërgojnë njoftimin e punëtorëve deri në orën 17:00 të mërkurën.

Të hënën, ditën e parë të mandatit të tij të dytë si president, Trump shfuqizoi shumë urdhra ekzekutivë që promovonin barazinë LGBTQ dhe nxori urdhra të rinj që dekretonin vetëm dy gjini dhe u jep fund programeve të diversitetit të qeverisë.

LEXONI GJITHASHTU:

• Sekretari Rubio: SHBA do ndjekë politika të jashtme të bazuara në interesa kombëtare
• Meloni “merr drejtimin” e Evropës: E gatshme të përmirësoj marrëdhëniet SHBA-BE