Trump vijon me paralajmërimet për Iranin: Do t’i godasim shumë fort, Ngushticën e Hormuzit do ta ruajmë ne

Presidenti i SHBA-së, Donald Trump tha se ata goditën shumë rëndë Iranin teksa hodhi edhe akuza për palën iraniane se dështoi për të rënë dakord për një marrëveshje.

“Ne i goditëm shumë fort mbrëmë. Sa herë që ata dërgojnë një dron, ne i goditëm shumë fort. Por ne kishim një marrëveshje. Ajo që askush nuk e di, ne kishim një marrëveshje. Ishte një marrëveshje e bërë dhe pastaj ata e shkelën. Ata gjithmonë e shkelin. Ne kemi pasur 10 marrëveshje me këta njerëz, kështu që do t’i godasim shumë fort”, tha ai në një intervistë telefonike me Fox News.

Trump tha se përveç sulmeve të rinovuara, SHBA-të do të bëhen “rojtare” të Ngushticës së Hormuzit.

“Tani do ta ruajmë ne dhe do të paguhemi për ruajtjen e tij”, tha ai.

Trump tha se do të priste pagesë për ruajtjen e Ngushticës së Hormuzit sepse sipas tij duan rimbursohen për vënien në rrezik të popullit.

Komentet e tij erdhën pasi ushtria amerikane rriti numrin e sulmeve që po kryen kundër Iranit gjatë fundjavës.