Trumpit i soset durimi me Iranin dhe Izraelin, përdor gjuhë të papërshtatshme

Presidenti i Shteteve të Bashkuara, Donald Trump, ka shpërthyer me tone të ashpra ndaj Izraelit dhe Iranit, pasi armëpushimi mes dy vendeve u thye vetëm pak orë pas hyrjes në fuqi.

Para nisjes me avionin presidencial Air Force One drejt samitit të NATO-s, Trump, deklaroi i tensionuar: “Ata kanë luftuar shumë gjatë dhe shumë fort, dhe tani nuk dinë më çfarë dreqin po bëjnë (what the f**k they are doing)?.”- tha Trump

Më pas përmes disa postimeve në “Truth Social”, Trump, i zbuti tonet duke thënë se armëpushimi është ende në fuqi dhe i ftoi palët ta respektojnë atë.

“Armëpushimi është ende në fuqi! Izraeli të mos e sulmojë Iranin. Të gjithë aeroplanët do të kthehen në shtëpi dhe do të bëjnë një ‘përshëndetje miqësore ajrore’. Askush nuk do të lëndohet.”

Në një mesazh tjetër të drejtpërdrejtë dhe të pazakontë, Trumpi paralajmëroi Izraelin:

“Izrael, mos i hidh ato bomba. Nëse e bën, është një shkelje e madhe. Dërgoni pilotët tuaj në shtëpi, tani!”

Trump nuk e kurseu as Iranin, duke përsëritur qëndrimin e tij të rreptë që Teherani nuk do të lejohet të zhvillojë armë bërthamore.

“Irani nuk do të rindërtojë kurrë aftësitë e tij bërthamore”- tha Trump.

Trump i soset durimi me Iranin dhe Izraelin: What the f**k they are doing?
Presidenti i Shteteve të Bashkuara, Donald Trump, shprehu zhgënjimin e tij të thellë ndaj Izraelit dhe Iranit të hënën, pasi marrëveshja për armëpushim mes dy vendeve u rrëzua disa orë pas hyrjes në fuqi. pic.twitter.com/iJPB6xxo9D

— Euronews Albania (@EuronewsAlbania) June 24, 2025

LEXONI GJITHASHTU:

• Armëpushimi Iran-Izrael i shpallur nga Trump në rrezik, çfarë dimë deri më tani
• “Irani e shkeli armëpushimin”, Ministri izraelit i mbrojtjes: Do rifillojmë sulmet