Edicioni i 81-të i Turit të Shqipërisë në Çiklizëm nisi këtë të hënë me etapën e parë. Çiklistët e 15 skuadrave të ndryshme garuan drejt Korçës në një distancë prej 161.6 km.

Serbi Dordje Duriç është fitues i etapës së parë të rrethit çiklistik me 4 orë, 3 minuta e 15 sekonda duke lënë në vend të dytë bashkëkombasin Marko Stankoviç dhe në vend të tretë gjermani Lenard SternsDorff.

Një garë plot rivalitet, ku në dukje ishte gjermani ai që mund të rrëmbjentë vendin e parë, por, në 15 km e fundit serbi Duriç, arriti të kalojë i pari, pasi e njihte mirë terrenin pasi kishte garuar me pare ne këto rrugë.

“Ishte etapë e vështirë, rrugët ishin të vështira, kishte shumë ngjitje por ja dola. Ishte e vështirë në momentet e fundit sepse fuqia duhet të ishte në maksimum por pata mbështetjen e grupit tim ndaj edhe sot fitova”, tha Dordje Duriç.

Nga ana tjetër Stankoviç I vendit të dytë pas garës ka bërë të ditur se nuk ka patur mbështetjen e çiklistëve të tjerë e për këtë e kishte të pamundur për të kaluar i pari finishin

“Pas 30 km ecje u përpoqa të sulmoj çiklistin e parë por nuk pata shumë mundësi sepse ai pati mbështetjen e grupit të vet. Në ngjitjen e fundit më kapi dhe ekipi mbrapa e kjo bëri që lodhja të ishte e madhe. Gara ishte e vështirë por duhet të jem i sinqertë që çiklisti serb e meritoi sot”, tha Marko Stankoviç.

Pjesë e rrethit çiklistik janë çiklistët e ekipeve përfaqësuese të Serbisë, Greqisë, Austrisë, Bullgarisë, Holandës, Maqedonisë së Veriut, Kosovës, Malit të Zi dhe Shqipërisë. Etapa e dytë e turit çiklistik të Shqipërisë është Korçë – Elbasan, 120 km.

LEXONI GJITHASHTU:

• Gara e çiklizmit në Korçë/Shpallen 2 fitues, pjesëmarrës edhe nga Kosova e Maqedonia
• Gara e çiklizmit në Korçë/ Sportistët e Partizanit dhe Tiranës, fituesit e parë