“Turizëm përmes tingujve” performancë nga orkestra frymore e Forcave të Armatosura

“Turizëm përmes tingujve” ishte aktiviteti i mbajtur nga Orkestra Frymore e Forcave të Armatosura të Shqipërisë në qytetin e Shkodrës.

Ata performuan në rrugën pedonale të qytetit, duke ngjallur interesin e qytetarëve dhe turistëve që po shëtisnin në këtë zonë.

Për dirigjentin e orkestrës, Altin Babameto, ky event synon të sjellë pikëtakime kulturore në qytetet turistike të Shqipërisë

“Shkodra zë një vend shumë të veçantë, ka një orkestrat më të mira frymorë të Shqipërisë. Do bëjmë 25 minuta muzikë, ku janë të përfshira si pjesa e marsheve dhe show”, thotë ai.

Përveç parakalimit në rrugën pedonale, Orkestra Frymore performoi edhe për disa minuta përpara Bashkisë Shkodër, duke përcjellë një atmosferë të veçantë për të gjithë të pranishmit që ndoqën këtë performancë.