Kompozitorja Diana Ziu e cilësoi të turpshëm përfaqësimin e Shqipërisë në Eurovizion me këngën ‘Sekret’ të Ronela Hajatit.

Në emisionin ‘Sot’ në Euronews Albania Ziu tha se ishte ndjerë e tronditur nga performanca e Shqipërisë me një këngë që sipas saj nuk ishte këngë, pasi nuk kishte as tekst as vijë melodike.

“Është një turp, Festivali i Këngës ishte i dështuar që në organizim e deri në çuarjen në Eurovizion. Ajo këngë nuk ishte për t’u çuar në Eurovizion. S’ka melodi, tonalitet, nga fillimi në fund është një ulërimë që s’thotë asgjë. Teksti është banalitet total. Është turp i madh kush e ka bërë këtë tekst, nuk ka asnjë kontratë të shkruar. Ky lloj diletantizmi na çon këtu”, tha kompozitorja.

LEXONI GJITHASHTU:

• Shqipëria nuk kualifikohet në finalen e Eurovizionit
• Klaudia Pepa dhe Niko Komani komentojnë incidentin me foton në Eurovizion