Turqia nis hetime për 612 njerëz pas tërmeteve vdekjeprurëse

Hetuesit turq kanë nisur hetime kundër më shumë se 600 njerëzve lidhur me ndërtesat që janë shembur pas tërmeteve katastrofike, të cilat janë regjistruar në Turqi më herët gjatë këtij muaji.

Ministri turk i Drejtësisë, Bekir Bozdag, ka thënë se 184 prej 612 të dyshuarve janë në paraburgim, në pritje të gjyqit, shkruan REL.

Në mesin e të ndaluarve përfshihen udhëheqës të kompanive të ndërtimit dhe menaxherë të ndërtimit, ka thënë ai në disa komente televizive.

“Mbledhja e të dhënave për ndërtesat vazhdon të jetë bazë për hetimet penale”, ka shtuar ai.

Si pasojë e dy tërmeteve mbi 7 shkallë të Rihterit më 6 shkurt, kanë vdekur mbi 50 mijë njerëz në jug të Turqisë dhe veri të Sirisë.

LEXONI GJITHASHTU

• “Provokator”- Erdogan ‘gjueti’ gazetarëve që raportuan tërmetin, nisin arrestimet
• Nuk gjen qetësi Turqia, vendi goditet nga një tjetër tërmet i fuqishëm
• Vetëm pallatet e tij nuk u shembën, inxhinieri turk: I numëroja hekurat një nga një