Turqia nuk e ka ndaluar anijen me grurë, sipas ministrisë së Jashtme të Rusisë

Ministria e Jashtme e Rusisë i cilësoi si të rreme raportet sipas të cilave, Turqia ka ndaluar anijen ruse të mallrave “Zhibek Zholy” ku dyshohet se transportonte grurë ukrainas.

Zëdhënësi i Ministrisë së Jashtme, Alexei Zaitsev tha se anija i ishte nënshtruar procedurave standarde në port, shkruan Reuters.

Ambasadori i Ukrainës në Turqi, Vasyl Bodnar deklaroi pak ditë më parë se autoritetet doganore turke ndaluan anijen “Zhibek Zholy”.

Ukraina ka akuzuar Rusinë për vjedhjen e grurit nga territoret që forcat ruse kanë nën kontroll që nga fillimi i pushtimit të Moskës në fund të shkurtit.

Por pretendimet e tyre janë hedhur poshtë nga Kremlini.

LEXONI GJITHASHTU

• Turqia ndalon anijen ruse që po transportonte grurë ukrainas
• Ukraina i kërkon Turqisë të ndalojë anijen ruse me grurë ukrainas