U akuzua për fshehje pasurie, GJKKO: 1 vit shërbim prove ish-kreun e Kushtetueses

Gjykata e Posaçme ka dënuar me 1 vit shërbim prove ish-kreun e  gjykatës kushtetuese Bashkim Dedja. Ai është deklaruar fajtor për mos deklarim dhe fshehje pasurie.

Sipas hetimeve të SPAK ish-kreu i Gjykatës Kushtetueses fshehu në deklarimin e pasurisë një apartament në breget, prionësinë e të cilit e kishtë vënë në emër të të vëllait.

“Në një vendim të marrë pak minuta më parë nga Gjykata e Posaçme e shkallës së parë kundër krimit ë organizuar dhe korrupsionit, ish-kryetari i gjykatës Kushtetuese, Bashkim Dedja, është dënuar me 6 muaj burg, por që konvertohen në një vit shërbim prove për akuzën e mos deklarimit, refuzimit dhe fshehjes së pasurisë.

Në fakt SPAK kishte kërkuar për ish-zyrtarin e lartë dënimin me 1 vit burg dhe konvertimin në dy vite shërbim prove, por gjykata ka vendosur të dënohet përfundimisht me gjysmën e pretencës që prokuroria e posaçme kishte kërkuar.

Zoti Bashkim Dedja u shpall fajtor nga Gjykata e shkallës së parë se ka fshehur një apartament 60 metra katror e ndodhur në zonën e bregdetit të njësisë administrative, Kavajë, Golem duke e fshehur këtë emër në emër të vëllait të tij, por që sipas hetimeve ajo zotërohej nga zoti Bashkim  Dedja”,-tha gazetari i Eruonews Albania, Eni Ferhati.

LEXONI GJITHASHTU:

• Shenjat më me fat, parashikimi i horoskopit për muajin Korrik
• “Ka fëmijë dhe nënë të sëmurë”, avokatja e Kaçit: S’duhet të kishte masë sigurie