U akuzua për terrorizëm, futbollisti djeg veten për vdekje në shenjë proteste

Futbollisti tunizian Nizar Issaoui ka vdekur nga djegiet e marra në një protestë kundër “padrejtësisë së policisë”, në të cilën ai i vuri flakën vetes.

Ai ishte shfaqur në një video të postuar në internet ku e tregonte duke bërtitur se ishte akuzuar për terrorizëm nga oficerët pas një mosmarrëveshjeje me një shitës frutash.

Në një postim të veçantë, ai tha se e dënon veten me “vdekje nga zjarri”. Pati përleshje të zemëruara në funeralin e 35-vjeçarit të premten në qytetin e tij të lindjes, Haffouz, raportuan mediat lokale.

Issaoui ishte akuzuar për terrorizëm nga oficerët e policisë pasi u ankua se nuk ishte në gjendje të blinte banane për më pak se 10 dinarë kilogrami, dyfishi i çmimit të vendosur nga qeveria, thonë raportet.

Në një postim në Facebook, futbollisti kishte shkruar: “Për një mosmarrëveshje me dikë që shet banane me 10 dinarë, akuzohem për terrorizëm në komisariat. Terrorizëm për një ankesë për banane… Nuk kam më energji. Lëre policinë, shteti e di që dënimi do të ekzekutohet sot”.

Në shenjë proteste, Issaoui dogji veten për vdekje. Dhuna shpërtheu në funeralin e futbollistit, ndërsa demonstruesit hodhën gurë ndaj policisë që hodhi gaz lotsjellës. Ai ishte një ish-lojtar për skuadrën tuniziane të ligës së lartë, US Monastir dhe baba i katër fëmijëve.

Vëllai i tij u tha gazetarëve vendas se Issauoi pësoi djegie të shkallës së tretë dhe mjekët nuk ishin në gjendje t’i shpëtonin jetën.

Veprimi i tij ishte një jehonë e një proteste të vitit 2010, kur shitësi ambulant Mohamed Bouazizi u dogj. Kjo nisi një valë demonstratash që çuan në përmbysjen e Presidentit Zine al-Abidine Ben Ali vitin e ardhshëm.

LEXONI GJITHASHTU:

• I mori të dashurin, modelja “kap për flokësh” shoqen. I hiqet kurora e ‘Miss-it’
• Abuzoi seksualisht me 23-vjeçaren, Gjykata jep masën për kryeplakun e fshatit