U bllokuan brenda automjetit ‘4×4’ që u zhyt në lum, humbin jetën 3 burra

Tre burra në Britaninë e Madhe që ishin brenda një automjeti 4×4 që u zhyt në një lumë kanë vdekur.

Sipas mediave të huaja, lajmin e ka bërë të ditur Policia, sipas të cilës, zjarrfikësit tërhoqën automjetin nga lumi Esk pranë Glaisdale në North York Moors këtë pasdite.

Një tjetër burrë që u përpoq të shpëtonte ata që ishin brenda automjetit 4×4 u nxor i sigurt nga lumi.

Të afërmit janë duke u informuar dhe më shumë informacion do të publikohet në kohën e duhur, tha në një deklaratë Policia e Yorkshire-it të Veriut.

Kjo ngjarje vjen ndërsa Mbretëria e Bashkuar vazhdon të ndjejë efektet e stuhisë ‘Gerrit’, me paralajmërime për përmbytje në të gjithë vendin.

LEXONI GJITHASHTU:

• Refuzohet kërkesa e Andrew Tate për ta vizituar nënën e sëmurë në Britani
• Britania e Madhe refuzon të regjistrojë patenta që janë vepër e IA